ചേർത്തലയിൽ വൻ കഞ്ചാവ് വേട്ട, ഒരാൾ അറസ്റ്റിൽ പിടിച്ചെടുത്തത് 19 കിലോ കഞ്ചാവ്

ആലപ്പുഴ: ചേർത്തലയിൽ അനധികൃതമായി കടത്തുകയായിരുന്ന 19 കിലോ​ഗ്രാം കഞ്ചാവ് പിടികൂടി. കഞ്ചാവ് കടത്താൻ ശ്രമിച്ച ഒരാളെ എക്സൈസ് അറസ്റ്റ് ചെയ്തു. സംസ്ഥാനത്ത് ലഹരിമരുന്നിന്റെ  വിപണനവും ഉപയോഗവും വ്യാപിച്ചതിന്റെ സാഹചര്യത്തിൽ ക്രിസ്മസ്-ന്യൂയർ സ്പെഷ്യൽ ഡ്രൈവിൽ ജില്ലയിൽ എക്സൈസ് പരിശോധന ശക്തമാക്കിയിരുന്നു. ഇതിനെ തുടർന്ന് ആലപ്പുഴ എക്സൈസ് സ്പെഷ്യൽ സ്‌ക്വാഡ് സർക്കിൾ ഇൻസ്‌പെക്ടർ ആർ. ബിജുകുമാറിന്റെ നേതൃത്വത്തിൽ ചേർത്തല, അരൂർ പ്രദേശങ്ങളിൽ നടത്തിയ റെയിഡിലാണ് കഞ്ചാവ് പിടിച്ചെടുത്തത്. 

എരമല്ലൂർ മിഥില ബാറിനു സമീപം വെച്ചാണ്  19 കിലോ​ഗ്രാം കഞ്ചാവ് കൈവശം സൂക്ഷിച്ച് കടത്തിക്കൊണ്ട് വന്ന കുറ്റത്തിന് ചേർത്തല പാണാവള്ളി സ്വദേശി അലി മകൻ സജീർ (36/2020) എന്നയാളെ എൻ ഡി പി എസ് ആക്ട് പ്രകാരം പ്രതിയാക്കി അറസ്റ്റ് ചെയ്തത്. ക്രിസ്മസ്-ന്യൂഇയർ നോട്‌ അനുബന്ധിച്ച് വൻതോതിലുള്ള കഞ്ചാവിന്റെ വിപണനമാണ് എക്സൈസ് സംഘം തകർത്തത്. കേസിൽ കൂടുതൽ പ്രതികൾ ഉള്ളതായും അവർക്ക് വേണ്ടിയുള്ള അന്വേഷണം ആരംഭിച്ച് കഴിഞ്ഞതായും അധികൃതർ പറഞ്ഞു.

Share via
Copy link
Powered by Social Snap