തിയെറ്ററുകൾ തുറന്നാലുടൻ ആദ്യ ചിത്രമായി വെള്ളം റീലീസ് ചെയ്യാൻ തയാറെന്നു നിർമാതാക്കൾ

ജയസൂര്യ, പ്രജേഷ് സെൻ കൂട്ടുകെട്ടിൽ പുറത്തിറങ്ങുന്ന “വെള്ളം “റിലീസിന് തയാറായി. ചിത്രത്തിന്‍റെ സെൻസറിങ്ങും പൂർത്തിയായി. ക്ളീൻ  യു  സർട്ടിഫിക്കറ്റാണ്  ചിത്രത്തിന് ലഭിച്ചത്. കൊവിഡ് കാല പ്രതിസന്ധികളിൽ നിന്നും സിനിമ വ്യവസായ രംഗത്തെ   തിരികെ കൊണ്ട് വരാനായി ഏതു  റിസ്ക്കും
ഏറ്റെടുക്കാൻ തങ്ങൾ തയ്യാറാണെന്നും ആശങ്കകളില്ലാതെ ചിത്രം  ആദ്യം തന്നെ തിയെറ്ററുകളിൽ എത്തിക്കാൻ ഒരുക്കമാണെന്നും “വെള്ളം”  ചിത്രത്തിന്‍റെ  നിർമാതക്കളിൽ ഒരാളായ ജോസുക്കുട്ടി മഠത്തിൽ  പറഞ്ഞു.

തിയെറ്ററുകളിൽ ഭയപ്പാടില്ലാതെ പ്രേക്ഷകർ എത്തുമെന്ന പ്രതീക്ഷയിലാണ്. കണ്ണൂരിലെ മുഴുക്കുടിയനായ മുരളി എന്നയാളുടെ കഥയാണ് വെള്ളം പറയുന്നത്. പൂർണമായും സിങ്ക് സൗണ്ട് ആയി ചിത്രീകരിച്ച ചിത്രമാണ്  ‘വെള്ളം’. ഫ്രണ്ട്‍ലി പ്രൊഡക്ഷൻസിന്റെ ബാനറിൽ ജോസ്കുട്ടി മഠത്തിൽ  യദുകൃഷ്ണ, രഞ്ജിത്ത്
മണബ്രക്കാട്ട് എന്നിവർ ചേർന്നാണ് ചിത്രം നിർമിച്ചിരിക്കുന്നത്.

ജയസൂര്യയുടെ നായികമാരായി സംയുക്തമേനോൻ, സ്നേഹ പാലിയേരി എന്നിവർ എത്തുന്നു. സിദ്ധിഖ്, ഇന്ദ്രൻസ്, ബൈജു, ശ്രീലക്ഷ്മി, പ്രിയങ്ക, ജോണി ആന്റണി, ഇടവേള ബാബു, വെട്ടുകിളി പ്രകാശ്, നിർമൽ പാലാഴി, സന്തോഷ് കീഴാറ്റൂർ, ശിവദാസ് മട്ടന്നൂർ, ജിൻസ് ഭാസ്കർ, ബേബി ശ്രീലക്ഷ്മി തുടങ്ങിയവർക്കൊപ്പം മുപ്പതോളം പുതുമുഖതാരങ്ങളും  അണി നിരക്കുന്നു. സെൻട്രൽ പിക്ചേഴ്സ് ആണ് ചിത്രം വിതരണത്തിന് എത്തിക്കുന്നത്

Share via
Copy link
Powered by Social Snap