തെന്നിന്ത്യൻ താരം റാണ ദഗുബാട്ടി വിവാഹിതനാകുന്നു

തെന്നിന്ത്യൻ താരം റാണ ദ​ഗുബാട്ടി വിവാഹിതനാകുന്നു. മിഹീഖ ബജാജുമായി പ്രണയത്തിലാണെന്ന് തുറന്നു പറഞ്ഞതിന് പിന്നാലെയാണ് പ്രീ എൻ​ഗേജ്മെന്‍റ് ചിത്രങ്ങളുമായി താരമെത്തിയിരിക്കുന്നത്. ഇറ്റ്സ് ഒഫീഷ്യൽ എന്ന അടിക്കുറിപ്പിലാണ് താരം ചിത്രങ്ങൾ പോസ്റ്റ് ചെയ്തിരിക്കുന്നത്. വെള്ള ഷർട്ടും മുണ്ടുമാണ് റാണ ​ദ​ഗുബാട്ടി ധരിച്ചിരിക്കുന്നത്.

പീച്ച് കളർ സാരിയിൽ അതീവസുന്ദരിയാണ് മിഹീഖ. താരത്തിന് ആശംസകളുമായി നിരവധി പേരാണ് എത്തുന്നത്. അതിനിടെ താരത്തിന്‍റെ വിവാഹനിശ്ചയം കഴിഞ്ഞെന്ന് വാർത്തകൾ പ്രചരിച്ചിരുന്നു. എന്നാൽ എൻ​ഗേജ്മെന്‍റ് കഴിഞ്ഞിട്ടില്ലെന്ന് വ്യക്തമാക്കി റാണയുടെ അച്ഛനും നിർമാതാവുമായ സുരേഷ് ബാബു ​ദാ​ഗുബാട്ടി രം​ഗത്തെത്തി.

വിവാഹത്തെക്കുറിച്ച് ചർച്ച ചെയ്യുന്നതിനായി ഇരു കുടുംബങ്ങളും ഒന്നിച്ചിരുന്നതാണെന്നാണ് അദ്ദേഹം പറഞ്ഞത്. വിവാഹനിശ്ചയത്തിന്‍റേയും വിവാഹത്തിന്‍റേയും തിയതികൾ തീരുമാനിക്കുന്നതിന് മുൻപ് വരന്‍റേയും വധുവിന്‍റേയും മാതാപിതാക്കൾ കണ്ടു സംസാരിക്കുന്നത് തെലുങ്കിൽ ആചാരമാണെന്നും അദ്ദേഹം വ്യക്തമാക്കി. അടുത്തിടെയാണ് തന്‍റെ പ്രണയിനിയെക്കുറിച്ച് ദ​ഗുബാട്ടി തുറന്നു പറഞ്ഞത്.

അവൾ യെസ് പറഞ്ഞു എന്ന അടിക്കുറിപ്പോടെ പ്രണയിനിക്കൊപ്പമുള്ള ചിത്രം പങ്കുവച്ചുകൊണ്ടാണ് റാണ പ്രണയവാർത്ത പുറത്തുവിട്ടത്. ഡ്യൂ ഡ്രോപ് ഡിസൈൻ സ്റ്റുഡിയോ എന്ന ഡിസൈൻ സ്ഥാപനം നടത്തുകയാണ് ഹൈദരാബാദ് സ്വദേശിയായ മിഹീഖ.