സൈക്കിളിൽ കാറിടിച്ച് കെട്ടിട നിർമാണ തൊഴിലാളി മരിച്ചു

മണ്ണഞ്ചേരി: റോഡ് മുറിച്ചു കടക്കുന്നതിനിടെ സൈക്കിളിൽ കാറിടിച്ച് കെട്ടിട നിർമാണ തൊഴിലാളി മരിച്ചു. പല്ലന തുണ്ടിൽ ഷാജി (58 ) ആണ് മരിച്ചത്.ഞായറാഴ്ച രാത്രി 8.30 ഓടെ മുഹമ്മ-തണ്ണീർമുക്കം റോഡിൽ ആര്യക്കര എസ് എൻ കവലയ്ക്ക് സമീപമായിരുന്നു അപകടം. 

മുഹമ്മ രഞ്ജിത് അസോസിയേറ്റ്സ് സ്ഥാപനത്തിലെ തൊഴിലാളിയായ ഷാജി വാടകയ്ക്ക് താമസിക്കുന്ന വീട്ടിലേക്ക് പോകുമ്പോഴാണ് അപകടം. ഗുരുതരമായി പരിക്കേറ്റ ഷാജിയെ പൊലീസ് മുഹമ്മ സാമൂഹ്യാരോഗ്യ കേന്ദ്രത്തിൽ എത്തിച്ചു. തുടർന്ന് ആലപ്പുഴ മെഡിക്കൽ കോളേജാശുപത്രിയിൽ പ്രവേശിപ്പിച്ചെങ്കിലും തിങ്കളാഴ്ച രാവിലെ ഏഴോടെ മരിച്ചു. മൃതദേഹം വീട്ടുവളപ്പിൽ സംസ്കരിച്ചു. 

Leave a Reply

Your email address will not be published. Required fields are marked *