മാവേലി നാട് വാണീടും കാലം
മാനുഷരെല്ലാരുമൊന്നുപോലെ
ആമോദത്തോടെ വസിക്കും കാലം
ആപത്തങ്ങാർക്കുമൊട്ടില്ല താനും
ആധികൾ വ്യാധികളൊന്നുമില്ല
ബാലമരണങ്ങൾ കേൾക്കാനില്ല.
കള്ളവുമില്ല ചതിയുമില്ല
എള്ളോളമില്ല പൊളി വചനം
കള്ളപ്പറയും ചെറു നാഴിയും,
കള്ളത്തരങ്ങൾ മറ്റൊന്നുമില്ല
ഓണത്തിന്റെ പ്രധാനാകർഷണം ഓണസദ്യയാണ്‌. ‘ഉണ്ടറിയണം ഓണം’ എന്നാണ്‌ വയ്പ്‌. ആണ്ടിലൊരിക്കൽ പപ്പടവും ഉപ്പേരിയും കൂട്ടാനുള്ള അവസരമായിരുന്നു പണ്ടൊക്കെ സാധാരണക്കാരന്‌ ഓണം. കാളൻ, ഓലൻ, എരിശ്ശേരി എന്നിവയാണ്‌ ഓണസദ്യയിൽ പ്രധാന വിഭവങ്ങൾ. അവിയലും സാമ്പാറും പിന്നീട് വന്നതാണ്‌. നാലുകൂട്ടം ഉപ്പിലിട്ടതാണ്‌ കണക്ക്‌- കടുമാങ്ങ, നാരങ്ങ, ഇഞ്ചിപ്പുളി, ഇഞ്ചിതൈര്‌. പപ്പടം ഇടത്തരം ആയിരിക്കും. 10 പലക്കാരൻ, 12 പലക്കാരൻ എന്നിങ്ങനെ പപ്പടക്കണക്ക്‌. ഉപ്പേരി നാലുവിധം- ചേന, പയർ, വഴുതനങ്ങ, പാവക്ക, ശർക്കരപുരട്ടിക്ക്‌ പുറമേ പഴനുറുക്കും പഴവും പാലടയും പ്രഥമനും.വിളമ്പുന്നതിനും പ്രത്യേകതയുണ്ട്‌. നാക്കില തന്നെ വേണം ഓണസദ്യക്ക്‌. നാക്കിടത്തുവശം വരുന്ന രീതിയിൽ ഇല വയ്ക്കണം. ഇടതുമുകളിൽ ഉപ്പേരി, വലതുതാഴെ ശർക്കര ഉപ്പേരി, ഇടത്ത്‌ പപ്പടം, വലത്ത്‌ കാളൻ, ഓലൻ, എരിശ്ശേരി, നടുക്ക്‌ ചോറ്, നിരന്ന്‌ ഉപ്പിലിട്ടത്‌. മദ്ധ്യതിരുവതാംകൂറിൽ ആദ്യം പരിപ്പുകറിയാണ്‌ വിളമ്പാറ്‌. സാമ്പാറും പ്രഥമനും കാളനും പുറമേ പച്ചമോര്‌ നിർബന്ധം. കൊല്ലത്തെ പഴമക്കാരുടെ ഓണസദ്യക്കു ലഹരിക്ക്‌ കൈതച്ചക്കയിട്ടു വാറ്റിയ ചാരായം നിർബന്ധം. ഇവിടെ ഓണത്തിന്‌ മരച്ചീനിയും വറക്കാറുണ്ട്‌. എള്ളുണ്ടയും അരിയുണ്ടയുമാണ്‌ മറ്റ്‌ വിഭവങ്ങൾ. കുട്ടനാട്ട്‌ പണ്ട്‌ ഉത്രാടം മുതൽ ഏഴു ദിവസം ഓണമുണ്ണുമായിരുന്നു. പുളിശ്ശേരിയും മോരും തോരനും സാമ്പാറുമായിരുന്നു പ്രത്യേക വിഭവങ്ങൾ.
കേരളത്തില്‍ ഓരോ പ്രദേശത്തും വ്യത്യസ്ത രീതിയിലാണ് സദ്യ തയ്യാറാക്കുന്നത്. എരിവ്, പുളിപ്പ്, ഉപ്പ്, മധുരം, കയ്പ്, ചവര്‍പ്പ് എന്നീ ആറുരസങ്ങളും ചേര്‍ക്കുന്ന സദ്യയില്‍ സാമ്പാര്‍, അവിയല്‍, എരിശ്ശേരി, പരിപ്പ് എന്നിവയ്‌ക്കൊപ്പം നാലുകൂട്ടം ഉപ്പിലിട്ടതും, പപ്പടം, പായസം തുടങ്ങിയവയുമാണ് സദ്യയുടെ പ്രധാനപ്പെട്ട വിഭവങ്ങള്‍.
സദ്യ വിളമ്പുന്ന രീതി ഇലയുടെ ഏറ്റവും ഇടതു വശത്തു വേണം പപ്പടം വിളമ്പാന്‍. പപ്പടത്തിന്റെ മുകളില്‍ പഴം വെയ്ക്കും. പപ്പടത്തിന്റെ വലതു വശത്തു ഉപ്പും വെക്കും. ഇലയുടെ ഇടതു വശത്ത് മുകളില്‍ ഏത്തക്ക ഉപ്പേരി, താഴെ ശര്‍ക്കര പുരട്ടി.
ഇലയുടെ ഇടതുവശത്ത് മുകളില്‍ നാരങ്ങ, മാങ്ങാ, ഇഞ്ചിക്കറി, ഓലന്‍, എരിശ്ശേരി, അവിയല്‍, കിച്ചടി, പച്ചടി, തോരന്‍ ഇത്രയും ക്രമത്തില്‍ വിളമ്പണം.
ഇതിനു ശേഷമാണ് ചോറ് വിളമ്പേണ്ടത്. ചോറ് വിളമ്പിയതിനു ശേഷം പരിപ്പ്,സാമ്പാര്‍, കാളന്‍, പായസം എന്നിവ വിളമ്പണം. പായസം കഴിഞ്ഞു രസം അല്ലെങ്കില്‍ മോര് ഒഴിച്ചു അല്പം ചോറും കൂടെ കഴിക്കണം
ഓണ വിഭവങ്ങള്‍ തയ്യാറാക്കുന്ന വിധം
സാമ്പാര്‍(വേണ്ട സാധനങ്ങള്‍- പരിപ്പ്, കുമ്പളങ്ങ,പടവലങ്ങ, മുരിങ്ങക്ക, സവാള, കിഴങ്ങ്, തക്കാളി, വെണ്ടയ്ക്ക, സാമ്പാര്‍ മസാല, പുളിവെള്ളം, വെളിച്ചെണ്ണ, കടുക്, വറ്റല്‍ മുളക്, കറിവേപ്പില)
പരിപ്പും പച്ചക്കറികളും (കുമ്പളങ്ങ,പടവലങ്ങ, മുരിങ്ങക്ക, സവാള, കിഴങ്ങ്, തക്കാളി, വെണ്ടയ്ക്ക തുടങ്ങിയവ) വേവിച്ചെടുക്കുക. സാമ്പാര്‍ മസാലയും പുളി വെള്ളവും ചേര്‍ത്തു ഒന്നു നന്നായി വേവിച്ചെടുക്കുക. ഒരു ചീനച്ചട്ടിയില്‍ എണ്ണ ഒഴിച്ചു കടുകും വറ്റല്‍ മുളകും കറിവേപ്പിലയും കൂടെ ഇട്ടു കടുക് പൊട്ടിച്ചു എടുത്തു കറിയില്‍ ചേര്ക്കുക
അവിയല്‍ (വേണ്ട സാധനങ്ങള്‍- നേന്ത്രക്കായ, ചേന, പയര്‍, പടവലങ്ങ, വെള്ളരിക്ക, മുരിങ്ങക്കായ, കാരറ്റ്, പച്ചമുളക്, പുളിവെള്ളം, തേങ്ങ, ജീരകം, ചുമന്നുള്ളി, മഞ്ഞള്‍പ്പൊടി, ഉപ്പ്, വെളിച്ചെണ്ണ, കറിവേപ്പില)
അവിയലില്‍ ഏതാണ്ട് എല്ലാ പച്ചക്കറികളും ഉപയോഗിക്കാറുണ്ട്. നേന്ത്രക്കായ, ചേന, പയര്‍, പടവലങ്ങ, വെള്ളരിക്ക, മുരിങ്ങക്കായ, കാരറ്റ്, പച്ചമുളക് ഇവയാണ് സാധാരണയായി അവിയലിന് ഉപയോഗിക്കുന്ന പച്ചക്കറികള്‍. പുളിക്കുവേണ്ടി മാങ്ങയോ പുളി വെള്ളമോ ആണ് ഉപയോഗിക്കുന്നത്.
ആദ്യം തേങ്ങ, ജീരകം, ചുമന്നുള്ളി എന്നിവ അരച്ചെടുക്കുക. ഇതിനു ശേഷം എല്ലാ പച്ചക്കറികളും മഞ്ഞള്‍പ്പൊടി, ഉപ്പ് എന്നിവ ചേര്‍ത്ത് വേവിക്കുക. മുക്കാല്‍ ഭാഗം വെന്ത പച്ചക്കറികളിലേക്ക് പുളി വെള്ളം / തൈര് ഒഴിക്കുക. ഇതിനു ശേഷം ആവശ്യത്തിന് ഉപ്പും അരപ്പും ചേര്ക്കുക. അവിയല്‍ വാങ്ങി വെച്ചു അല്പം വെളിച്ചെണ്ണയും കറിവേപ്പിലയും ചേര്ക്കുക
പയര്‍ തോരന്‍ (വേണ്ട സാധനങ്ങള്‍- പച്ചപയര്‍, ഒരു സ്പൂണ്‍ അരി, കടുക്, കറിവേപ്പില, തേങ്ങയും, പച്ചമുളക്, ജീരകം, വെളുത്തുള്ളി)
പച്ചപയര്‍ ചെറുതായി അരിയുക. ഒരു ചീനച്ചട്ടിയില്‍ ഒരു സ്പൂണ്‍ അരി ഇട്ടു മൂക്കുമ്പോള്‍ കടുകും കറിവേപ്പിലയും ഇട്ടു പൊട്ടിക്കുക്ക. തുടര്‍ന്ന് പയര്‍ ഇളക്കി അടച്ചു വേവിക്കുക. വെള്ളം തോര്‍ന്നു കഴിയുമ്പോള്‍ തേങ്ങയും, പച്ചമുളകും, ഒരുനുള്ളു ജീരവും ഒരു വെളുത്തുള്ളി അല്ലിയും ചേര്‍ത്തു ചതച്ചെടുത്ത മിശ്രിതം ചേര്‍ത്തിളക്കി തോര്‍ത്തി എടുക്കുക.
കാളന്‍ (വേണ്ട സാധനങ്ങള്‍- പച്ചമുളക്, മഞ്ഞള്‍പ്പൊടി, തൈര്, തേങ്ങ, ജീരകം, വെളിച്ചെണ്ണ, കടുക്, ഉലുവ, കറിവേപ്പില, ഉപ്പ്)
പച്ചമുളക് കഴുകി നെടുകെ പിളര്‍ത്തി കല്‍ച്ചട്ടിയിലിട്ട് മഞ്ഞള്‍പ്പൊടിയും ഒരു കപ്പ് വെള്ളവും ചേര്‍ത്ത് വേവിക്കുക. വെള്ളം വറ്റാറാകുമ്പോള്‍ കലക്കിയ തൈര് ഇതിലേക്കൊഴിച്ച് ചൂടാക്കുക. തുടര്‍ച്ചയായി ഇളക്കിക്കൊണ്ടിരിക്കണം. അപ്പോള്‍ സാവധാനം തൈരിന് മുകളിലേക്ക് കുറേശെ പതപോലെ പൊങ്ങിവരും. നന്നായി ഇളക്കി ഇത് വറ്റിച്ച് കുറുക്കുക.
കാളന്‍ വേണ്ടത്ര കുറുകിക്കഴിഞ്ഞാല്‍ തേങ്ങയും ജീരകവുംകൂടി മിനുസമായി അരച്ചതു ചേര്ക്കുക. നന്നായി ഇളക്കി വക്കുക. ഒരു ചീനച്ചട്ടിയില്‍ വെളിച്ചെണ്ണ ഒഴിച്ച് കടുക്, മുളക് മുറിച്ചത്, ഉലുവ ഇവയിട്ട് മൂപ്പിച്ച് കടുക് പൊട്ടിയാലുടന്‍ കറിയിലേക്കൊഴിക്കുക. കറിവേപ്പിലയുമിട്ട് ഉലുവപ്പൊടി തൂകി ഇളക്കിവക്കുക. അല്‍പംകൂടി കഴിഞ്ഞ് ഉപ്പിട്ട് നന്നായി ഇളക്കുക .
കാളന്‍ വേണ്ടത്ര കുറുകിക്കഴിഞ്ഞാല്‍ തേങ്ങയും ജീരകവുംകൂടി മിനുസമായി അരച്ചതു ചേര്ക്കുക. നന്നായി ഇളക്കി വക്കുക. ഒരു ചീനച്ചട്ടിയില്‍ വെളിച്ചെണ്ണ ഒഴിച്ച് കടുക്, മുളക് മുറിച്ചത്, ഉലുവ ഇവയിട്ട് മൂപ്പിച്ച് കടുക് പൊട്ടിയാലുടന്‍ കറിയിലേക്കൊഴിക്കുക. കറിവേപ്പിലയുമിട്ട് ഉലുവപ്പൊടി തൂകി ഇളക്കിവക്കുക. അല്‍പംകൂടി കഴിഞ്ഞ് ഉപ്പിട്ട് നന്നായി ഇളക്കു
ആദ്യം കുമ്പളങ്ങ ചെറിയ കഷ്ണങ്ങള്‍ ആക്കി എടുക്കുക. നേരത്തെ തന്നെ വെള്ളത്തിലിട്ടു കുതിര്‍ത്ത് ഒരു പിടി വന്‍പയറും കുമ്പളങ്ങ കഷ്ണങ്ങളും പച്ചമുളകും വേവിച്ചെടുക്കുക. ഇതിലേക്ക് എണ്ണയും കറിവേപ്പിലയും ഇട്ടാല്‍ ഓലന്‍ ആയി. ഇതിനു ശേഷം തേങ്ങാപ്പാല്‍ ചേര്ക്കുക.
പച്ചടി (വേണ്ട സാധനങ്ങള്‍- വെണ്ടക്ക, പച്ചമുളക്, വെളിച്ചെണ്ണ, വറ്റല്‍മുളക്, കടുക്, കറിവേപ്പില, തേങ്ങ, ജീരകം, ഉപ്പ്, തൈര്)
വെണ്ടക്കയും പച്ചമുളകും കനം കുറച്ചു വട്ടത്തില്‍ അറിഞ്ഞ് വെളിച്ചെണ്ണയില്‍ നന്നായി വറുത്തു കോരുക.വറ്റല്‍മുളക്,കടുക്,കറിവേപ്പില ഇവ ബാക്കി വെളിച്ചെണ്ണയില്‍ കടുക് വറക്കുക. തേങ്ങയും ജീരകവും നന്നായരച്ചതിനോടൊപ്പം കടുക് ചതച്ച് ചേര്‍ത്ത അരപ്പും ചേര്‍ത്തു ചെറുതായി തിളവരുമ്പോള്‍ വറുത്തു വച്ച വെണ്ടയ്ക്കയും ഉപ്പും ചേര്ക്കുക. തൈര് ചേര്‍ത്തിളക്കി നന്നായി ചൂടാക്കി വാങ്ങുക.. തൈര് ചേര്‍ത്ത ശേഷം തിളക്കരുത്പ.
മാമ്പഴ കിച്ചടി (വേണ്ട സാധനങ്ങള്‍- മാമ്പഴം, പച്ചമുളക്, മഞ്ഞള്‍പ്പൊടി, ശര്‍ക്കര, തേങ്ങ, ജീരകം, ഉപ്പ്, വെളിച്ചെണ്ണ, കറിവേപ്പില, വറ്റല്‍മുളക്, കടുക്)
മാമ്പഴം പച്ചമുളകും മഞ്ഞള്‍പ്പൊടിയും ചേര്‍ത്ത് വേവിക്കുക. പകുതി വേവാകുമ്പോള്‍ ഇതിലേക്ക് അലപം ശര്‍ക്കര ചേര്ക്കുക. തേങ്ങയും ജീരകവും നല്ലപോലെ അരച്ച് ചേര്ക്കുക. ആവശ്യത്തിനു ഉപ്പും ചേര്ക്കുക. വെളിച്ചെണ്ണ ചൂടാക്കി കടുകും കറിവേപ്പിലയും വറ്റല്‍ മുളകും ചേര്‍ത്ത് കടുക് പൊട്ടിച്ചു കരിയില്‍ ചേര്ക്കുക.
ഇഞ്ചിക്കറി (വേണ്ട സാധനങ്ങള്‍- ഇഞ്ചി, വെളിച്ചെണ്ണ, വറ്റല്‍മുളക്, കടുക്, കറിവേപ്പില, പച്ചമുളക്, പുളി, ഉപ്പ്, ശര്‍ക്കര)
ഇഞ്ചി കനം കുറച്ചു വട്ടത്തിലരിഞ്ഞു വെളിച്ചെണ്ണയില്‍ വരുത്തു പൊടിച്ചു വയ്ക്കുക. ഒരു സ്പൂണ്‍ വെളിച്ചെണ്ണയില്‍ വറ്റല്‍മുളക്, കടുക്, കറിവേപ്പില എന്നിവ പൊട്ടിച്ച് പച്ചമുളക്, മുളകുപൊടി ചേര്‍ത്ത് വഴറ്റുക. െവള്ളത്തില്‍ പുളി പിഴിഞ്ഞ് ചേര്ക്കുക. ഉപ്പ് ചേര്‍ത്ത് നന്നായി തിളപ്പിക്കുക. പൊടിച്ചു വച്ച ഇഞ്ചി ചേര്ക്കുക. 50 ഗ്രാം ശര്‍ക്കര ഉരുക്കി അരിച്ചു ചേര്ക്കുക.
നാരങ്ങാക്കറി (വേണ്ട സാധനങ്ങള്‍- നാരങ്ങ, വറ്റല്‍മുളക്, കടുക്, കറിവേപ്പില, മുളകുപൊടി കായം, ഉലുവാപ്പൊടി)
നല്ലെണ്ണയില്‍ നാരങ്ങ വാട്ടി എടുക്കുക. വറ്റല്‍മുളക്, കടുക്, കറിവേപ്പില പൊട്ടിച്ചു അതില്‍ മുളകുപൊടി കായം, ഉലുവാപ്പൊടി ചേര്‍ത്തിളക്കി ഉപ്പും വെള്ളവും ചേര്‍ത്ത് തിളപ്പിച്ച് വാങ്ങി വച്ച ശേഷം വാട്ടി വച്ച നാരങ്ങ ചേര്ക്കുക.നാരങ്ങ കറി റെഡി
മാങ്ങാക്കറി (വേണ്ട സാധനങ്ങള്‍- മാങ്ങ, മുളക്, കടുക്, കറിവേപ്പില, മുളകുപൊടി, കായം, ഉലുവാപ്പൊടി, ഉപ്പ്)
ആദ്യം മാങ്ങ അരിഞ്ഞ് ഉപ്പ് പുരട്ടി വയ്ക്കുക.നല്ലെണ്ണയില്‍ മുളകും കടുകും കറിവേപ്പിലയും ഇട്ടു പൊട്ടുമ്പോള്‍ മുളകുപൊടിയും കായവും അതിലേക്കിട്ടു വാട്ടി ഉലുവാപ്പൊടിയും ചേര്ക്കുക. പിന്നീട് മാങ്ങാ ചേര്‍ത്തിളക്കി ആവശ്യമെങ്കില്‍ അല്പം ഉപ്പും ചേര്‍ക്കാവുന്നതാണ്.എരിശ്ശേരി (വേണ്ട സാധനങ്ങള്‍- വന്‍പയര്‍, മത്തങ്ങ, മുളക്‌പൊടി, മഞ്ഞള്‍പ്പൊടി, ഉപ്പ് , തേങ്ങ, ജീരകം, വെളുത്തുള്ളി, വെളിച്ചെണ്ണ, വറ്റല്‍മുളക്, കടുക്, ഉള്ളി, കറിവേപ്പില)
ആദ്യം വന്‍പയര്‍ വേവാന്‍ വേവിയ്ക്കുക. മുക്കാല്‍ വേവാകുമ്പോള്‍ മത്തങ്ങയും മുളക്‌പൊടി, മഞ്ഞള്‍പ്പൊടി, ഉപ്പ് എന്നിവയും ചേര്ക്കുക. മത്തങ്ങ വെന്തുകഴിഞ്ഞാല്‍ അളവില്‍ പറഞ്ഞിരിക്കുന്ന തേങ്ങയില്‍നിന്നും കാല്‍ ഭാഗം എടുത്തു അതോടൊപ്പം ജീരകവും വെളുത്തുള്ളിയും നന്നായരച്ച് ചേര്ക്കുക. നന്നായൊന്നു തിളച്ചാല്‍ വാങ്ങി വയ്ക്കുക.ഇനി വെളിച്ചെണ്ണയില്‍ വറ്റല്‍മുളക്, കടുക്, ഉള്ളി, കറിവേപ്പില ഇവ കടുക് വറുത്ത ശേഷം ബാക്കിവച്ചിരിക്കുന്ന തേങ്ങയും ഇതോടൊപ്പം ചേര്‍ത്ത് വറുക്കുക. ഇളം ചുവപ്പ് നിറമായാല്‍ വാങ്ങി വന്‍പയര്‍ മത്തങ്ങാ കൂട്ടില്‍ ചേര്‍ത്ത് ഇളക്കുക. എരിശ്ശേരി തയ്യാര്‍
പരിപ്പ് (വേണ്ട സാധനങ്ങള്‍- പരിപ്പ്, മഞ്ഞള്‍പ്പൊടി, ഉപ്പ്, വെളിച്ചെണ്ണ, തേങ്ങ, ജീരകം, വെളുത്തുള്ളി, പച്ചമുളക്, കറിവേപ്പില)
ആദ്യം ചെറുപയര്‍ പരിപ്പ്, ഒരു ചീനച്ചട്ടിയിലിട്ടു നന്നായിളക്കി ചൂടാക്കുക. പിന്നീട് വേവാനുള്ള വെള്ളം ഒഴിച്ച് മഞ്ഞള്‍പ്പൊടിയും ഉപ്പും ഒരുസ്പൂണ്‍ വെളിച്ചെണ്ണയും ചേര്‍ത്തു നന്നായി വേവിക്കുക. വെന്ത പരിപ്പ് ഒരു തവി കൊണ്ടു നന്നായി ഉടക്കുക.തേങ്ങ ജീരകവും വെളുത്തുള്ളിയും ചേര്‍ത്തു നന്നായി അരച്ചതിനോടൊപ്പം പച്ചമുളക് ചതച്ച് ചേര്‍ത്ത അരപ്പ് പരിപ്പിലേക്ക് യോജിപ്പിക്കുക. ചെറുതായി തിള വരുമ്പോള്‍ വെളിച്ചെണ്ണയും കറിവേപ്പിലയും ചേര്‍ത്തു ഇളക്കി വാങ്ങുക.
ഉപ്പേരി (വേണ്ട സാധനങ്ങള്‍- നേന്ത്രക്കായ, മഞ്ഞള്‍ വെള്ളം, ഉപ്പ്, വെളിച്ചെണ്ണ)
വിളഞ്ഞ നേന്ത്രക്കായ വട്ടത്തിലോ, നാലായോ കനം കുറച്ച് അരിഞ്ഞ് വയ്ക്കുക. ഒരു പാത്രം വെള്ളത്തില്‍ കുറച്ച് മഞ്ഞള്‍ കലക്കി അതിലേയ്ക്ക് അരിഞ്ഞ് വെച്ചിരിക്കുന്ന നേന്ത്രക്കായ ഇട്ട് വയ്ക്കണം. ഒരു പാത്രത്തില്‍ ഉപ്പ് കലക്കി വെക്കുക. അടുപ്പില്‍ ഒരു പാത്രത്തില്‍ എണ്ണ ചൂടാക്കുക. എണ്ണ നന്നായി ചൂടായി കഴിഞ്ഞാല്‍ തീ കുറയ്ക്കാം. മഞ്ഞള്‍വെള്ളത്തില്‍ ഇട്ട് വെച്ചിരിക്കുന്ന നേന്ത്രക്കായ നന്നായി ഊറ്റിയെടുത്ത് ചൂടായ എണ്ണയില്‍ ഇട്ട് വറക്കുക. നന്നായി മൂത്ത് വരുമ്പോള്‍ ഉപ്പ് തളിച്ച് കോരിയെടുക്കുക.
ശര്‍ക്കര വരട്ടി (വേണ്ട സാധനങ്ങള്‍- നേന്ത്രക്കായ, ശര്‍ക്കര, ചുക്ക് പൊടി, ജീരകപ്പൊടി, ഏലപ്പൊടി, അരിപപൊടി, പഞ്ചസാര)
വിളഞ്ഞ നേന്ത്രക്കായ കാലിഞ്ച് കനത്തില്‍ അരിഞ്ഞ് ചൂടുള്ള എണ്ണയില്‍ നന്നായി വറത്തെടുക്കുക. അടുപ്പില്‍ ഒരു പാത്രത്തില്‍ കുറച്ച് വെള്ളം വെച്ച് ശര്‍ക്കര ഉരുക്കുക. ശര്‍ക്കര നല്ല കട്ടിയായി വരുമ്പോള്‍ അതിലേയ്ക്ക് ചുക്ക് പൊടി, ജീരകപ്പൊടി, ഏലപ്പൊടി എന്നിവ ചേര്‍ത്ത് അടുപ്പില്‍ നിന്നും വാങ്ങിവെയ്ക്കുക. അതിലേയ്ക്ക് വറത്ത് വെച്ചിരിക്കുന്ന നേന്ത്രക്കായ ഇടുക. നേന്ത്രക്കായില്‍ ശര്‍ക്കരപ്പാവ് നന്നായി പിടിച്ചാല്‍ വറത്ത അരിപ്പൊടിയും പഞ്ചസാരയും ചേര്‍ത്ത് തണുക്കാന്‍ വയ്ക്കുക.
പരിപ്പ് പ്രഥമന്‍ (വേണ്ട സാധനങ്ങള്‍- പരിപ്പ്, ശര്‍ക്കര, നെയ്യ്, തേങ്ങ, ലക്കാപ്പൊടി, ചുക്കുപൊടി, തേങ്ങക്കൊത്ത്, അണ്ടിപ്പരിപ്പ്, ഉണക്കമുന്തിരി, നെയ്യ്)
പരിപ്പ് കഴുകിയത് വറുത്ത ശേഷം നന്നായി വേവിക്കുക. ഇതിലേക്ക് ശര്‍ക്കര ഉരുക്കിയരിച്ചത് ചേര്ക്കുക. വെള്ളം നന്നായി വറ്റുമ്പോള്‍ ആവശ്യത്തിന് നെയ്യൊഴിച്ച് വരട്ടുക .തേങ്ങ ചിരകി ഒന്നാംപാല്‍ മാറ്റി വയ്ക്കുക. രണ്ടാം പാല്‍ പിഴിഞ്ഞ് വരട്ടിയെടുത്ത പരിപ്പിലേക്ക് ചേര്‍ത്തു നന്നായിളക്കി യോജിപ്പിക്കുക .വെള്ളം വറ്റി വരുമ്പോള്‍ ഒന്നാം പാല്‍ ചേര്‍ത്തു ഏലക്കാപ്പൊടി, ചുക്കുപൊടി എന്നിവ ചേര്‍ത്തു നന്നായി ചൂടാക്കി വാങ്ങുക. ചെറുതായരിഞ്ഞ തേങ്ങക്കൊത്ത്, അണ്ടിപ്പരിപ്പ്, ഉണക്കമുന്തിരി എന്നിവ നെയ്യില്‍ വറുത്തു പ്രഥമനില്‍ ചേര്ക്കുക.
